Elke jaar rondom paasfees is daar ‘n polemiek in Christen geledere oor wanneer Jesus gekruisig is. Die algemeen anvaarde siening is dat Jesus op ‘n Vrydag gekruisig is vandaar dan ook die benaming Goeie Vrydag.

Party mense wys egter na Jesus se uitspraak in Mat 12:40 “Want soos Jona drie dae en drie nagte in die buik van die groot vis was, só sal die Seun van die mens drie dae en drie nagte in die hart van die aarde wees.” Volgen hulle is dit 72 uur en is dit dus nie mootlik dat Jesus eers laat die Vrydag middag begrawe is nie.

Hulle ignorreer egter die volgende feite:

1. Jesus het gesê Hy sal op die derde dag op staan.

Mat_16:21  Van toe af het Jesus begin om sy dissipels te toon dat Hy na Jerusalem moes gaan en veel van die ouderlinge en owerpriesters en skrifgeleerdes moes ly, en gedood en op die derde dag opgewek word. 

Mat_17:23  en hulle sal Hom doodmaak, en op die derde dag sal Hy opstaan. En hulle het baie bedroef geword. 

Mat_20:19  en Hom oorlewer aan die heidene om Hom te bespot en te gésel en te kruisig; en op die derde dag sal Hy opstaan. 

Mar_9:31  Want Hy het sy dissipels geleer en vir hulle gesê: Die seun van die mens word oorgelewer in die hande van die mense, en hulle sal Hom doodmaak; en nadat Hy gedood is, sal Hy die derde dag opstaan. 

Mar_10:34  en hulle sal Hom bespot en Hom gésel en op Hom spuug en Hom doodmaak; en op die derde dag sal Hy opstaan. 

Luk_9:22  En Hy sê: Die Seun van die mens moet baie ly en verwerp word deur die ouderlinge en owerpriesters en skrifgeleerdes en gedood word en op die derde dag opstaan

Luk_18:33  en nadat hulle Hom gegésel het, sal hulle Hom doodmaak; en op die derde dag sal Hy opstaan. 

Luk_24:7  Die Seun van die mens moet oorgelewer word in die hande van sondige mense en gekruisig word en op die derde dag opstaan. 

2. Die graf is net bewaar tot die derde dag.

Mat_27:64  Gee dan bevel dat die graf verseker word tot die derde dag toe, dat sy dissipels nie miskien in die nag kom en Hom steel nie, en vir die volk sê: Hy het opgestaan uit die dode. En die laaste dwaling sal erger wees as die eerste. 

3. Die Émmaüs gangers praat met Jesus op die derde dag nadat hy gekruisig is.

Luk 24:20  en hoe ons owerpriesters en owerstes Hom oorgelewer het tot die doodstraf en Hom gekruisig het. 

Luk 24:21  En ons het gehoop dat dit Hy was wat Israel sou verlos; maar nou is dit vandag, met dit alles, die derde dag vandat dit plaasgevind het. 

Luk 24:22  Maar sommige vroue uit ons het ons ook ontstel nadat hulle vroeg by die graf was; 

4. DIe Apostels het dit verkondig dat Jesus op die derde dag opgestaan het.

Han_10:40  Hom het God op die derde dag opgewek en beskik dat Hy sou verskyn 

1 Kor_15:4  en dat Hy begrawe is, en dat Hy op die derde dag opgewek is volgens die Skrifte; 

Indien ons dus enige ander dag as Vrydag neem as die dag van die kruisiging, is al hierdie skrifgedeeltes, wat Sondag ( die eerste dag van die week) aandui as die dag van opstanding, feitlik verkeerd.

Die vraag is dus wat maak ons met drie dae en drie nage waarna Jesus in Mat 12:40 verwys.

Dit sou goed wees as ons na ander voorbeelde kyk waar soortgelyke uitsprake gemaak is.

Kom ons kyk na Ester se versoek dat die Jode drie dae lank, nag en dag, vir haar moes vas, voordat sy na die koning sou gaan.

Est 4:16  Gaan heen, versamel al die Jode wat in Susan te vinde is, en vas julle om my ontwil; en julle moet nie eet en drink nie, drie dae lank, nag en dag; ek ook met my dienaresse sal net so vas; en so sal ek na die koning ingaan, wat nie volgens wet is nie, en as ek omkom, dan kom ek om. 

Sy wag egter nie 72 uur voor sy na die koning gaan nie maar ons lees in Est 5:1 “Op die derde dag het Ester haar koninklik aangetrek en gaan staan in die binneste voorhof van die paleis van die koning”

Daar is ook die geval van die Egiptenaar in 1 Sam 30:11 – 13. 

1Sa 30:11  Toe vind hulle in die veld ‘n Egiptenaar wat hulle na Dawid bring, en hulle gee hom brood om te eet en water om te drink. 

 Daarby gee hulle hom ‘n stuk vyekoek en twee rosynekoeke. En toe hy geëet het, het hy weer bygekom; want hy het drie dae en drie nagte geen brood geëet of water gedrink nie. 

En Dawid vra hom: Aan wie behoort jy? En waar kom jy vandaan? En hy sê: Ek is ‘n Egiptiese seun, die slaaf van ‘n Amalekitiese man, en my heer het my laat agterbly, omdat ek drie dae gelede siek geword het. 

Let wel dit word beskryf dat hy drie dae en drie nagte niks te ete of drinke gehad het nie, nogtans sê hy dat hy slegs drie dae gelede siek geword het.

In 1 Kon 20:29 lees ons van die kinders van Israel wat sewe dae lank teenoor hulle vyande gekamp het, maar dan lees ons ook dat hulle die geveg die sewende dag begin het. 

1 Kon 20:29  En hulle was sewe dae lank teenoor mekaar gelaer; maar op die sewende dag het die geveg begin, en die kinders van Israel het van die Arameërs honderd duisend voetgangers op een dag verslaan. 

Josef wat sy broers vir drie dae gevange hou maar hulle op die derde dag laat gaan is nog ‘n voorbeeld waar ‘n gedeelte van ‘n dag as ‘n volle dag gesien word.

Gen 42:17 – 18  Daarop het hy hulle saam drie dae lank in bewaring laat hou. En op die derde dag sê Josef vir hulle: Doen dit, dan sal julle lewe; ek vrees God!

Dit is duidelik uit al die voorbeelde dat die Jode nie drie dae en drie nagte as ‘n volle 72 uur periode gesien het nie. Hiedie is maar net nog ‘n voorbeeld waar ons die Skrif self moet toelaat om die Skrif te interpreteer.

Selfs na Sy opstanding bevestig Jesus dat van die kruisiging toe en met die opstanding slegs drie dae was:

Luk_24:46  En Hy sê vir hulle: So is dit geskrywe, en so moes die Christus ly en op die derde dag uit die dode opstaan, 

As dit dan so is dat Sondag dag drie was, dan was Saterdag dag twee en gevolglik is Vrydag dan dag een en die dag waarop die kruisiging plaasgevind het.

Die eerste dag – Vrydag		Die tweede dag – Saterdag		Die derde dag – Sondag
Donderdag aand na ses	Vrydag gedurende die dag	Vrydag aand na ses	Saterdag gedurende die dag	Saterdag aand na ses	Sondag gedurende die dag
Jesus eet pasga saam met dissipels. Jesus was hulle voete. Jesus in Getsémané. Jesus word gevang en na die hoëpriester geneem. (Eers na Annas en toe na Kájafas)	Jesus versky voor Pilatus en Herodes.Pilatus gee opdrag dat Jesus gekruisig moet word. Jesus word die derde uur (9 uur die oggend) gekruisig. Die son verduister diesesde uur ( 12 uur). Jeus sterf die negende uur ( 3 uur die middag). Jesus word begawe voor die die Sabbat aanbreek ( 6 uur die aand).	Jesus se liggaam in die graf.	Die owerpriesters en die Fariseërs kry toestemming om graf te laat bewaak tot die derde dag.	En toe die sabbat verby was, het Maria Magdaléna en Maria, die moeder van Jakobus, en Salóme speserye gekoop om Hom te gaan salf.  Jesus staan op uit die graf.	En baie vroeg op die eerste dag van die week, net ná sonop, kom hulle by die graf. Die graf is leeg.  Jesus verskyn aan Maria Magdaléna, uit wie Hy sewe duiwels uitgedryf het.  Jesus verskyn aan Simon. Jesus verskyn aan die Émmaüs gangers. Jesus verskyn in die aand aan die dissipels.

Ons lees in Genesis dat God die mens geskape en dat Hy hulle geseën het.

Wat beteken dit om iemand te seën. Wel ons sou kon sê dit is om aan iemand goed te doen. Veral wanneer ons aan iemand iets gee wat hyself nie kan bekostig nie. Of miskien is dit iets wat ons self nie kan doen nie, dan help iemand anders ons daarmee. Dan seën daardie persoon ons met dit wat hy of sy vir ons doen.

Toe die Here dan gesê hat dat Hy die mens seën is dit dan ook presies wat Hy tot vandag toe nog doen. Hy gee ons wat ons nodig het en help ons wanneer ons nie iets vir ons self kan doen nie.

Die Bybel sê vir ons Hy is soos ‘n vader wat hom ontferm oor die kinders, ja, so ontferm die HERE Hom oor die wat Hom vrees

Die HERE is vir almal goed,

Die HERE ondersteun almal wat val, en

Hy rig almal op wat neergeboë is.

Die HERE is naby almal wat Hom aanroep, almal wat Hom aanroep in waarheid.

Hy vervul die wens van die wat Hom vrees, en Hy hoor hul hulpgeroep en verlos hulle.

En met kerstyd dink ons mos opnuut weer daaraan dat God die Vader sy eniggebore Seun vir ons gegee het omdat ons iets nodig gehad het wat ons nie kon koop of vir ons self kon doen nie.

Ja, Jesus het aarde toe gekom sodat Hy die straf op hom kon neem vir ons sonde . En die Bybel leer ons dat elkeen van ons wat Jesus aanneem sal kind van God genoem word. Ons lees in die Bybel in 1 Johannes 3 dat dit deur die Vader se groot liefde is dat ons kinders van God genoem kan word.

Julle ken mos almal Joh 3:16:

Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

En Jesus het Sy lewe vir ons gegee omdat Hy met Sy bloed vir ons sondes moes betaal. Verstaan jy nou watter groot seëning God eintlik vir ons gegee het. Sonder Jesus, wat sonder sonde was, sou ons nie kon reg maak wat sonde hier op aarde gebreek het nie. Maar nou kan ek en jy deur ons eie sonde te bely en Jesus aan te neem as ons verlosser die ewige lewe verkry.

As jy dalk dink ja, maar ek is nie goed genoeg nie, onthou Jesus het juis aarde toe gekom vir die vuiles en siekes. Al kan jy maar net Sy naam fluister, Hy sal afbuk na jou toe.

In Openbaring lees ons van Johannes wat aan Sy voete neergeval het. Die Bybel sê hy het soos ‘n dooie gelê. Dus kon hy niks vir homself doen nie.

Maar dan lees ons dat Jesus Sy regterhand op Johannes gesit het. Wel dit beteken net een ding, as Johannes nie kon opstaan nie, omdat hy soos ‘n dooie daar gelê het, dan het Jesus afgebuk na hom toe.

Jy sien dus geliefde, moenie wag nie, as jy dit nog nie gedoen het nie, aanvaar Jesus , dit is die grootste seëning wat jy ooit sal kry, en die wonderlikste van alles. Dit hang nie van ons af nie. Nee, Jesus sal selfs afbuk na ons waar ons ook al is.

Het jy geweet dat daar in die hemel boeke is waarin daar oor jou geskrywe word?

Die Bybel praat van verskillende boeke.

Mal 3:16 sê daar is ‘n gedenkboek voor die Here se aangesig geskrywe vir die wat die HERE vrees en sy Naam eer.

Ja Psalm 65  praat van ‘n boek waarin jou trane opgeskryf word.

Openbaring praat weer van die boeke waarin al ons dade opgeteken is

En dan is daar ook ‘n ander boek. Die boek van die lewe. Jesus sê in Lukas dat ons moet bly wees as ons name in hierdie boek opgeskrywe is. Openbaring noem dit die boek van die lewe van die Lam. Ons weet Jesus is die Lam van God. So in hierdie boek gaan net die name wees van mense wat aan Hom behoort.

Wanneer jy jou tot die Here bekeer en Sy volgeling word, word jou naam opgeskryf in die boek van die lewe van die Lam.  En daar is niks wat ons kan doen om dit te verdien nie. Jesus het klaar die prys betaal, soos die dief aan die kruis moet ons dit net erken en glo dat Jesus die enigste weg na die hemel is.

Hoekom is hierdie boek van die lewe van die Lam so baie belangrik. Ons lees in Openbaring dat die mense wie se name nie in die boek van die lewe is nie, nie toegang tot die hemel sal kry nie maar in die vuurpoel gegooi sal word.

Daarom is dit so belangrik, dat jy seker maak dat jou naam in die boek van die lewe van die Lam geskryf is.

Jesus en die diewe.

“Die dief kom net om te steel en te slag en te verwoes. Ek het gekom, dat hulle lewe en oorvloed kan hê.” (Joh 10:10)

Daar was vier diewe betrokke in die gebeure rondom die kruisiging van Jesus.

Die eerste was een van sy eie dissipels. Judas Iskáriot, was ‘n dief was, het die beurs gehad het en die bydraes geneem het. (Joh 12:6). Dit was dan ook hierdie Judas wat Christus verraai en met Sy in hegtenis neming  gehelp het.

Dan was daar die tweede dief, Barábbas wat met mede-oproermakers in die gevangenis was; en hulle het in die opstand ‘n moord begaan. En Barábbas was ‘n rower. (Mark 15:7; John 18:40) Hierdie veroordeelde rower en moordenaar wat moes sterf het onverwags begenadiging en vryspraak gekry toe Christus in sy plek kruis toe is.

Dan natuurlik die twee diewe wat saam met Jesus gekruisig is. Mat 27:38  Toe word daar saam met Hom twee rowers gekruisig, een aan die regter— en een aan die linkerkant.

Luk 23:39  En een van die kwaaddoeners wat opgehang is, het Hom gesmaad en gesê: As U die Christus is, verlos Uself en ons.

Die ander dief aan die kruis, het tot sonde besef gekom, en sy houding teenoor Jesus was anders:

Luk 23:42  En hy sê vir Jesus: Dink aan my, Here, wanneer U in u koninkryk kom.

Luk 23:43  En Jesus antwoord hom: Voorwaar Ek sê vir jou, vandag sal jy saam met My in die Paradys wees.

Almal was diewe, oortreders net soos ons wat die straf verdien. Die een was ‘n verraaier, die ander het tydelik voordeel getrek, en dan die ander een wat Jesus gespot en gelaster het, maar een van hulle het gelowige geword.

Erken jy Jesus  as die een wat in jou plek gestraf is?

Luk 23:40  Maar die ander een antwoord en bestraf hom en sê: Vrees jy ook God nie, terwyl jy in dieselfde oordeel is? —

Luk 23:41  ons tog regverdiglik, want ons ontvang die verdiende loon vir ons dade, maar Hy het niks verkeerds gedoen nie.

Jesus het niks verkeerds gedoen nie, maar Hy het gekom om Sy lewe te gee as ‘n losprys vir baie,  want almal het gesondig en dit ontbreek hulle aan die heerlikheid van God, en hulle word deur sy genade sonder verdienste geregverdig deur die verlossing wat in Christus Jesus is. (Rom 3)

Onthou die een dief aan die kruis, dit is nooit te laat om berou te hê oor jou sondes en jou tot God te bekeer en Jesus as jou verlosser aan te neem nie.

It was created.